1 pang NPA mass grave nahukay

CAMP AGUINALDO — Isa na namang mass grave ang nahukay sa Leyte noong Miyerkules ng mga sundalo at kinatagpuan ng kalansay ng mga pinaniniwalaang biktima ng summary execution ng New People’s Army, ayon sa ulat kahapon ng Armed Forces of the Philippines.

Dakong alas-10:30 ng umaga nang matagpuan ng 43rd Infantry Battalion ang mass grave sa Barangay Utanan, Hilongos, Southern Leyte.

Isang civilian asset ang nagsumbong sa militar na 15 ka tao na pinatay ng NPA mula 1980 hanggang 1990 ang inilibing sa naturang lugar.

Siyam na kalansay pa ang nahuhukay at tinutunton pa umano ang iba pa. (Edwin Balasa)