Sanggol nilunod sa drum

ANTIPOLO CITY — Masusing iniimbestigahan ngayon ng pulisya ang pagkamatay ng isang 11-buwang gulang na sanggol na lalaki na natagpuan sa loob ng drum na may tubig kamakalawa ng gabi sa Barangay San Isidro, Antipolo City.

Ayon kay P/Supt. Danilo Macerin, hepe ng Antipolo police, na kasalukuyang pinipigil sa himpilan ng pulisya ang mga suspek na sina Regino Alvarez, 34; at Marietta Legarde, 39, pawang residente ng Sitio Tanglaw ng nasabing barangay.

Lumalabas sa ulat ng pulisya na natagpuan ni Alvarez ang sanggol sa loob ng drum na may tubig kaya agad niyang ipinagbigay-alam sa mga kasama sa bahay.

Agad namang nagsagawa ng post-mortem examination ang pulisya at lumalabas na kakamatay lang ng sanggol ilang minuto pa lang ang nakalipas.

Bukod kina Alvarez Legarde ay inimbitahan din sa himpilan ng pulisya ang 16-anyos na ina ng sanggol. (Edwin Balasa)