1 tiklo sa colorum na vocational school

DAET, Camarines Norte – Isa ang inaresto samantalang tatlo pa ang patuloy na tinutugis ngayon ng mga awtoridad na mga empleyado ng isang kolorum na Masteral Vocational School sa bayang ito na ipinagharap ng demanda ng mga nabiktimang estudyante, ayon sa ulat. Inaresto ng Daet Police ang suspek na si John Seeping, 37-anyos sa Brgy. Borabod sa bisa ng warrant of arrest na ipinalabas ni Judge Raymund Jacob ng Municipal Trial Court ng Daraga Albay.

Ang nasabing suspek ay nahaharap sa 13 kasong estafa makaraang takasan nito ang mga estudyante na siningil nito ng malaking halaga para sa enrollment. Karamihan sa mga nag-enroll na mga estudyante ay pawang mula sa lalawigan ng Albay. Huli na ng malaman na kolorum ang nasabing vocational school. Kinilala naman ang mga pinaghahanap na suspek na sina Susan Seeping, Jessie Español at Jay Seeping. (Francis Elevado)