Van vs ‘siklo: 2 todas, 4 sugatan

CAMP SIMEON OLA, Legazpi City – Tumilapon sa ere bago lumagapak sa sementong kalsada ang dalawang sibilyang nasawi matapos na masalpok ng van ang kasalubong na sinasakyang motorsiklo ng mga biktima sa kahabaan ng highway na sakop ng Barangay Banao sa bayan ng Guinobatan, Albay, kamakalawa ng gabi. Hindi na umabot ng buhay sa ospital sina Edilberto Intic, 40, ng Barangay Ilawod, Guinobatan at Jose Arnaldo, 34, ng Barangay Lumacao. Sugatan naman sina Bunny Lou, Sofia Javires, Mae Sta. Rosa at Nierva Ventenilla na pawang mga pasahero ng pampasaherong van na may plakang EVM-228. Kasalukuyang nakapiit sa himpilan ng pulisya ang drayber ng van na si Abner Asnaza at pormal na kakasuhan. (Ed Casulla)