Dead-on-the-spot sa tinamong tama ng bala sa ulo ang rebeldeng kinilalang si Rannie de la Cruz alyas Ka Rodolfo/Jun Pablo. Sa report ng Police Regional Police (PRO) 4-B, dakong alas-4 ng madaling-araw ng maganap ang insidente sa Battalion Headquarters ng Phil. Army sa Brgy. San Roque, San Jose ng lalawigang ito.
Ayon sa imbestigasyon, kasalukuyang isinasailalim sa masusing tactical interrogation ng tropa ng militar ang nasakoteng si de la Cruz sa kanilang himpilan nang bigla nitong tangkaing agawin ang baril ni Pfc Kenjie Catalino, nakatalagang security ng naturang rebelde.
Nabatid na matapos ito ay nagtatakbo si de la Cruz kaya agad na niradyuhan ni Catalino ang nakatalagang guwardiya sa gate na tumatakas ang kanilang nabitag na komunista.
Sa kabila ng pagbibigay ng warning shot ng mga guwardiyang sundalo ay tumangging sumuko si de la Cruz kaya napilitan ang mga ito na barilin ito.
Duguang tumimbuwang si de la Cruz habang sapo ang nagdurugong ulo na siya nitong dagliang ikinasawi. (Joy Cantos)