Drayber tinodas ng holdaper

CAVITE – Binaril at napatay ang isang 48-anyos na traysikel drayber ng isa sa dalawang holdaper makaraang tumulong ang biktima sa dalawang Bumbay na tankang holdapin sa Barangay Gregorio, Trece Martirez City, Cavite kamakalawa ng gabi. Kinilala ng pulisya ang biktima na si Pio Erni, habang nakaligtas naman sa mga holdaper sina Robert Singh at Radia Singh na kapwa negosyante.

Sa imbestigasyon ni PO1 Joselito Amparo, namataan ng biktima ang dalawang negosyanteng nakatayo na iniikutan ng dalawang hindi kilalang lalaki na sakay ng motorisklo. Agad naman pumasok sa tindahan ang dalawang Bumbay, habang ang biktima ay naghagis naman ng lalagyan ng basura sa kalsada kaya nagalit ang dalawang holdaper at binaril ang una saka mabilis na tumakas. (Cristina Timbang)