Mangingisda dinedo ng ‘baliw’

MORONG, Bataan – Sinaksak at napatay ng isang 28-anyos na lalaki na pinaniniwalaang may kapansanan sa pag-iisip ang isang 48-anyos na mangingisda na nagbibilyar sa bahagi ng Barangay Sabang, Morong, Bataan kamakalawa ng hapon. Hindi na nailigtas sa Morong Health Center ang biktimang si Manuel Avelino y Pastolero, samantalang ang suspek na kasalukuyang naghihimas ng rehas na bakal ay nakilalang si Richard Antipasado na kapwa naninirahan sa nabanggit na barangay.

Ayon kay PO2 Christ Sambat, nagbibilyar ang biktima sa naturang lugar nang biglang pumasok ang suspect at isinagawa ang pamamaslang saka mabilis na tumakas, subalit sa isinagawang follow-up operation ay agad naman nadakip. (Jonie Capalaran)