Ayon kay P/Supt. Roel Obusan, hepe ng intelligence and investigation branch, pansamantalang hindi ibinunyag ang mga pangalan ng suspek na responsable sa krimen at kasalukuyang nangangalap ng ebidensya para masampahan ng kaukulang kaso ang mga suspek.
Base sa record ng pulisya, binistay ng bala ng malalakas na kalibre ng baril ang mga biktimang nasawi na sina Ebertson at Ericson Pascual na kapwa anak ng trader na si Boy Pascual, may-ari ng sabungan; Dr. Juanito Reyes; at ang dalawang sikyu na sina Carino Caring at Jessie Pablo.
Samantalang ginagamot naman sa Nueva Ecija Doctors Hospital ang mga sugatang sina Virgilio Malgapo at Michael Carlos,
Nakarekober sa crime scene ang 109 na basyo ng iba’t ibang baril matapos na rumesponde ang mga tauhan ng Scene of the Crime Operatives (SOCO). (Christian Ryan Sta. Ana)