Motorsiklo vs bus: Karpintero dedo

CAVITE – Isang 44-anyos na karpintero ang iniulat na nasawi, habang kritikal naman ang pinsan nito makaraang salpukin ng pampasaherong bus ang motorsiklo ng dalawa sa kahabaan ng Aguinaldo Highway na sakop ng Barangay Lambingan, Tanza, Cavite kamakalawa. Malalim na sugat sa ulo ang tinamo ng nasawing biktima na si Ronald Caro, habang kritikal naman si Rommel Caro, 22, na kapwa naninirahan sa Apolonia Subd., Barangay Ibayo Estacion, Naic, Cavite. Pormal namang kakasuhan ang drayber ng bus (DWH-238) na si Danny dela Torre, 28, ng Barangay Ibayo Silangan na ngayon ay nakakulong, ayon kay PO1 Neil Morano. (Cristina Timbang)