Sa isang press statement, sinabi ni PNP CIDG director Chief Supt. Jesus Verzosa, ang ni-raid ng mga tauhan ng CIDG-Anti Fraud and Commercial Crimes division ay ang Hazama Corporation na matatagpuan sa Building 11 at 18, Units B at C, Jose Abad Santos Avenue, Clarkfield sa Angeles City.
Ang ginawang pagsalakay ng CIDG ay base sa bisa ng search warrant na ipinalabas ni Judge Antonio Eugenio Jr. ng Manila Regional Trial Court, National Judiciary, Branch 24.
Una nang inireklamo ng Quisumbing Torrres Law Office at Orion Support Link ang Hazama Corp. dahil sa pagbebenta umano ng hindi lisensyadong mga produkto nito.
Nakumpiska mula sa nasabing computer shop ang iba’t ibang computers na naglalaman ng mga di-lisensyadong Microsoft wares at COD-R installers. Ito ay dinala na sa CIDG-Central Luzon para sa kaukulang disposisyon. (Angie dela Cruz)