Obrero tinodas sa tulugan

CAVITE – Pinagbabaril hanggang sa mapatay ang isang 25-anyos na construction worker ng mga hindi kilalang lalaki sa naganap na karahasan sa Barangay Palangque sa bayan ng Naic, Cavite kamakalawa ng gabi. Ang biktimang si Randy Marinog ay hindi na nagising matapos na ratratin habang natutulog kagabi kasama ang kanyang lover ganap na alas-11 ng gabi. Nakaligtas naman ang live-in partner ng biktima matapos na makatakbo papalayo sa kanilang bahay, ayon sa ulat ni PO2 Richard Atienza. Wala pang malinaw na motibo sa pagkakapaslang sa biktima. (Cristina Timbang)