Sinabi ni P/Supt. Arnold Gunacao, deputy provincial director, isinampa na sa korte ang kasong murder laban sa suspek na si Nestor Nazareno na pinaniniwalaang miyembro ng breakaway group ng Rebulusyunaryong Hukbo ng Bayan (RHB) at nakatira sa Barangay Poblacion sa bayan ng Morong.
Napag-alamang si Nazareno ay matagal na umanong tinanggal sa grupo ng RHB at may nakabinbing mga naunang kaso sa Bataan Regional Trial Court.
Kasalukuyang may dalawang testigo ang pulisya na positibong kumilala sa suspek na bumaril at nakapatay sa biktimang si Graciano "Gary" Aquino, 40, kolumnista sa local na pahayagang Central Luzon Forum sa Bataan at naging dzRH volunteer ng Operation Tulong.
Ayon kay P/Supt. Anselmo Baluyot, hepe ng pulisya sa bayan ng Morong, na isa sa anggulong sinisilip ay love triangle. (Jonie Capalaran)