Ang biktima ay kinilalang si Armando Pallarca, 45, may-asawa at residente ng Barangay San Jose, Penaranda, Nueva Ecija.
Ayon sa ulat ng pulisya, bandang alas-7:10 ng umaga nang matagpuan ng ilang residente ang bangkay ng biktima na nakasuot pa ng uniporme nitong puting t-shirt na may pangalan at logo saka maong pants.
Sinabi ng mga kaanak ng biktima, nawawala ang alahas, wallet, cell phone at iba pang mahahalagang papeles ni Pallarca nang matagpuan ito kamakalawa sa nasabing lugar.
Naunang iniulat ang biktima na dinukot ng hindi nakilalang mga armadong kalalakihan sa Nueva Ecija hanggang sa makitang karumal-dumal na pinatay ito kamakalawa.
Nagsasagawa ngayon ng follow-up operations at imbestigasyon ang pulisya upang matukoy ang may kagagawan ng karumal-dumal na krimen. (Efren Alcantara)