Trader tinodas sa sasakyan

ALBAY – Isang 28-anyos na negosyante ang kumpirmadong nasawi matapos na pagbabarilin ng hindi kilalang lalaki sa naganap na karahasan sa Doña Maria Subdivision sa Barangay Tagas sa bayan ng Daraga, Albay kamakalawa. Naisugod pa sa Bicol Regional Training and Teaching Hospital, subalit idineklarang patay ang biktimang si Dennis Loria. Sa imbestigasyon ng pulisya, naitala ang krimen ganap na ika-7:30 ng gabi habang papasok ang biktima sa kanilang compound sakay ng kotse.

Napag-alamang bago paslangin ang biktima ay namataang umaaligid ang mga suspek sa labas ng bakuran ng pamilya Loria na pinaniniwalaang hinihintay ang biktima. Wala pang malinaw na motibo ang nasisilip ng pulisya sa naganap na krimen. (Ed Casulla)