Motorsiklo bumangga sa poste: 1 patay, 1 kritikal

CAVITE – Basag ang bungo sanhi ng agarang pagkasawi ng isang binata habang nasa malubhang kalagayan ang kasama nito makaraang bumangga sa isang konkretong poste ng Meralco ang kanilang sinasakyang motorsiklo kahapon ng madaling-araw sa Barangay Ligas I, Bacoor.

Dead-on-arrival sa St. Dominic Hospital ang biktima na si Reynold Ramirez, 20, ng No. 29 Tabing Ilog, Barangay Aniban 2 habang agaw-buhay sa Las Piñas District Hospital si Frederick Cornel 19 ng No. 243 Tramo, Barangay Zapote 4, kapwa ng bayang ito.

Batay sa imbestigasyon ni PO1 Malvin Ramos, may hawak ng kaso, dakong alas-3:55 ng madaling-araw habang minamaneho ni Ramirez ang isang motorsiklo na may plakang WJ-1688 at angkas si Cornel nang mawalan ng kontrol ang sasakyan at sumalpok ang mga ito sa isang poste at tumalsik ng ilang metro. (Ulat ni Cristina Go-Timbang)