Chinese national lumundag sa gusali, dedo

Camp Crame –Sabog ang bungo ng isang Chinese national matapos itong mag-suicide sa pamamagitan ng pagtalon sa ikapitong palapag ng tinutuluyan nitong hotel sa Cebu City, kamakalawa. Kinilala ang biktima na si Cai Zhi Quiang, 38 anyos, tubong Xiamen, China. Batay sa report, dakong alas-4:45 ng hapon nang tumalon ang biktima sa fire exit ng ikapitong palapag ng Pacific Tourist Inn, na matatagpuan sa kahabaan ng Guillas St. ng nasabing lungsod.

Ang biktima ay bumagsak sa semento na una ang ulo na sa lakas ay nabasag ang bungo. Sa kabila nito, iniimbestigahan naman ng mga awtoridad ang posibleng anggulo ng ‘foul play’ sa kaso matapos na madiskubreng magulo ang silid na tinutuluyan ng biktima. (Joy Cantos)