Sanggol na babae, inabuso ng pinsan

Mercedes, Camarines Norte – Bagsak kalaboso ang isang 27 anyos na lalaki makaraang mahuli sa akto na pinaglalaruan ng suspek ang ari ng isang taong gulang na sanggol na babaeng pinsan nito sa Purok 3 Barangay 6 ng nasabing bayan kamakalawa ng hapon.

Ang suspek na si Ariel Ramos alyas Butchoy, 27 anyos ng Brgy. 7, Mercedes ay agad na nahuli ng mga residente dito ng magtangkang tumakas makaraang tumalon sa bintana.

Nabatid na bandang alas- 3:30 ng hapon, naisipang bisitahin ng tiyuhin ng biktima ang bata subali’t laking pagkagulat nito ng makitang pinaglalaruan ng suspek ang ari ng umiiyak na sanggol. Agad namang tumalon sa bintana ang suspek matapos na mapasigaw sa pagkabigla ang tiyuhin ng sanggol.

Ang suspek ay hinabol ng mga nagrespondeng kapitbahay ng pamilya habang palayo sa lugar.

Sa imbestigasyon ng pulisya, ang biktima ay pansamantalang ipinagkatiwala sa suspek ng ina ng sanggol dahil may importante itong aasikasuhin.

Inihahanda na ng mga awtoridad ang pagsasampa ng kasong kriminal laban sa nasakoteng suspek.

Kasalukuyan na ngayong humihimas ng rehas na bakal sa Mercedes Municipal Jail ang nasakoteng suspek. (Francis Elevado )