Nakilala ang nasawing Pinay na si Cirila Hernandez y dela Cruz, 37, ng Valino St., Aduas Sur, Cabanatuan City, na nag-suicide umano noong Hunyo 9, 2005.
Base sa ulat na nakarating sa pamilya ng biktima, lumitaw na nagpakamatay si Cirila sa pamamagitan ng pagtalon sa rooftop ng mataas na gusali.
Hindi naman mapaniwalaan ng mister ni Cirila na si Lito Hernandez na magagawa ng kanyang asawa ang magpakamatay dahil noong huli silang mag-usap sa telepono noong Hunyo 6, ay masaya pa nga ito at sinabihan pa siyang mag-ayos na ng papeles patungo sa Macau para sa posibleng trabaho bilang family driver.
Nabatid na si Cirila ay naglilingkod sa mag-asawang Chinese na may isang anak simula pa noong 2004 at buwan-buwan ay hindi nakakalimot na magpadala ng pera. Inaasahan ng pamilya Hernandez na gagawan ng aksyon ng Deparment of Foreign Affairs ang kaso ng nasabing biktima. (Ulat ni Christian Ryan Sta. Ana)