2 dedo sa road mishap

CAVITE – Dalawang sibilyan ang iniulat na nasawi habang labing-walo naman ang sugatan makaraang magsalpukan ang trak at van sa kahabaan ng Sta. Rosa, Tagaytay Road na sakop ng Silang, Cavite kahapon. Naipit sa Nissan Urvan (XJU-746) ang mga nasawing biktimang sina Jonathan Misahan at Katherine Penales, samantalang ginagamot sa St. James Hospital ang mga sugatang biktima na pansamantalang hindi nabatid ang pagkikilanlan.

Kasalukuyang nakapiit sa himpilan ng pulisya si Alberto Genolos, drayber ng trak na may plakang TRC-904 na sumalpok sa van dakong ala-una ng tanghali, ayon kay SPO1 Zosimo Casabal. (Ulat nina Cristina Timbang at Lolit Yamsuan)