4 kabataan timbog sa pangingikil

CAMP SIMEON OLA, Legazpi City – Apat na kabataang lalaki ang dinakip ng mga tauhan ng pulisya matapos na mangikil sa isang negosyante sa Barangay San Pascual sa bayan ng Buhi, Camarines Sur, kamakalawa. Kasalukuyang nakapiit ang mga suspek na sina Israel Zaballa, 23; Bonifacio Bacho, 18 at dalawang menor-de-edad na pansamantalang hindi ibinunyag ang mga pangalan na pawang naninirahan sa Sitio Puro sa Barangay San Pedro, Buhi, Camarines Sur. Sa ulat ng pulisya, pinuntahan sa bahay ng mga suspek ang biktimang si Leodicario Arcilla bago tinakot at kinikilan ng P600. Agad namang ipinagbigay-alam ng biktima sa pulisya ang insidente kaya nasakote ang mga suspek. (Ed casulla)