Testigo sa patayan itinumba

CALAMBA CITY, Laguna — May posibilidad na ibig patahimikin bilang testigo sa pagpatay ang isang school janitor kaya itinumba habang nasa kritikal namang kondisyon ang presidente ng PTA makaraang pagbabarilin ng dalawang hindi kilalang lalaki habang ang mga biktima ay naglalakad sa lansangang sakop ng Barangay Paciano Rizal kamakalawa ng gabi. Dead-on-the-spot ang biktimang si Kerby Sta. Ana, janitor sa Balibago National High School sa Sta. Rosa City, habang si Eleuterio Piche, PTA president ay ginagamot sa hindi nabatid na ospital.

Sa imbestigasyon ng pulisya, ang dalawa ay nakipiyesta sa bahay ng punong-guro ng nasabing eskuwelahan at nang papauwi na ay pinagbabaril ng dalawang lalaki na lulan ng motorsiklo. (Ulat ni Rene Alviar)