5 tinedyer tiklo sa karnaping

LUCENA CITY — Limang kabataang lalaki na pinaniniwalaang sangkot sa kasong karnaping ang dinakip ng mga tauhan ng pulisya sa bahagi ng Quezon Avenue, Lucena City kahapon ng madaling-araw. Pormal na sinampahan ng kaukulang kaso ang mga suspek na sina: Mario Aldovino, 23; Jayson Ricafort; Leo Allan Sanggalang, 19; Ramoncito Arconada, 20; at Marlon Layos. Sa ulat ni PO2 Noel Diocos, ang mga suspek ay inireklamo ni Mark Nicolas Rances na naging biktima ng agaw-motorsiklo ng grupo. (Ulat ni Tony Sandoval)