Bagong PNP director itinalaga

CAVITE – Pormal na itinalagang bagong Cavite PNP provincial director si P/Senior Supt. Benjardi Mantele kapalit ni P/Senior Supt. Roberto Rosales sa ginanap na simpleng seremonya sa Camp Pantaleon Garcia sa bayan ng Imus, Cavite kahapon.

Kabilang sa pangunahing dumalo sa seremonya ay si Cavite Governor Ayong S. Maliksi; P/Chief Supt. Jesus Verzosa at ang 23 hepe ng pulisya sa 20 bayan at tatlong lungsod sa Cavite. Ayon sa ulat, si Rosales ay pupuwesto sa National Capital Region Police Office Directorial Staff. (Ulat ni Cristina Timbang)