Bomber ng GenSan nadakma

CAMP AGUINALDO – Nalambat ng tropa ng militar ang itinuturing na responsable sa pambobomba sa General Santos at Koronadal City noong 2003 makaraang salakayin ang pinagkukutaan nito sa Barangay Poblacion Paglas, Datu Paglas, Maguindanao kahapon ng umaga. Sa bisa ng warrant of arrest na inisyu ng Regional Trial Court Branch 11 sa South Cotabato, nadakip ang suspek na si Sabdullah Basco Kamsa, alyas Abu Sama Abbas, ayon kay Col. Jerry Jalandoni, hepe ng Army’s 604th Brigade. Nasamsam sa suspek ang isang M14 sniper’s rifle, 2 bala ng recoilless rifle at mini bazooka. (Ulat ni Joy Cantos)