Magsasaka natodas sa suntok

TALISAY, Camarines Norte – Napatay sa suntok ang isang 40-anyos na magsasaka ng kainuman ng alak sa Barangay San Jose sa nabanggit na bayan kamakalawa ng hapon. Idineklarang patay sa Camarines Norte Provincial Hospital ang biktimang si Ernesto Elinos, samantalang nadakip naman ang suspek na si Nilo Cereno, 30, ng Purok 1, Barangay Napilihan, Vinzonz, Camarines Norte. Base sa ulat ng pulisya, nagkainitan ang dalawa habang nakikipag-inuman ng alak sa bahay ni Vivencio Elinos hanggang sa magkasuntukan. Sa hindi inaasahang pagkakataon ay napuruhan ng isang malakas na suntok sa panga kaya bumulagta at hindi na magising. (Ulat ni Francis Elevado)