2 todas sa road mishap

ORANI, Bataan — Dalawa-katao ang iniulat na nasawi makaraang masalpok ang motorsiklo na kanilang sinasakyan ng kotseng Mitsubishi Lancer sa kahabaan ng Roman Superhighway na sakop ng Barangay Mulawin Orani, Bataan kamakalawa ng gabi. Kinilala ni P/Sr.Supt. Hernando Zafra, Bataan provincial director, ang mga biktimang sina Antonio Pantalion, 66, at Moises Santiago, 3, na kapwa nakatira sa Barangay Lalawigan, Samal. Agad namang sumuko sa pulisya ang drayber ng kotse (XAM-228) na si Rolando Caragay ng Happy Valley, Dinalupihan, Bataan matapos ang sakuna dakong alas-6:15 ng gabi. (Ulat ni Jonie Capalaran)