Pinatay sa harap ng nobya

NUEVA ECIJA – Pinagsasaksak hanggang sa mapatay ang isang 20-anyos na lalaki ng naging kaalitan nito sa harap mismo ng kanyang nobya habang naglalakad ang biktima sa Old Victory Liner Bus Terminal sa Maharlika Highway na sakop ng Barangay Rafael Rueda, San Jose City, Nueva Ecija kamakalawa ng madaling-araw.

Hindi na umabot pa ng buhay sa ospital ang biktimang si Angelo Ballesteros ng Barangay Kita-Kita, samantalang ang suspek na agad namang naaresto ay nakilalang si Joey Nabong alyas Ambo ng Barangay Fe Marcos ng lungsod na ito. Ayon sa pulisya, naitala ang krimen dakong alas-2 ng madaling-araw matapos na salubungin ng suspek ang biktima na naglalakad kasama ang kasintahang si Gladys Manese. (Ulat ni Christian Ryan Sta. Ana)