2 ‘tulak ng droga’ nilikida

BALANGA CITY, Bataan – Dalawang kalalakihan na pinaniniwalaang may mga nakabinbing kaso tungkol sa droga ang nilikida at itinapon sa madamong bahagi ng Sitio Montilla, Barangay Tuyo, Balanga City kamakalawa. Kapwa nagtamo ng maraming tama ng bala sa katawan ang mga biktimang sina: Deogracias Mariano Jr., at Reynaldo Quiros ng Barangay Panilao, Pilar, Bataan. Ayon kay P/Supt. Elmer Macapagal, Bataan provincial director, huling namataang buhay ang dalawa noong Sabado ng gabi habang naglalakad sa kahabaan ng Dau Street, Barangay Panilao, Pilar. May teorya ang pulisya na dinukot muna ang mga biktimang notoryus na drug pushers saka pinatay sa ibang lugar at itinapon sa madamong bahagi ng nabanggit na sitio. (Ulat ni Jonie Capalaran)