Anak tinodas ng sariling ama

LAGUNA – Isang paslit na lalaki ang iniulat na nasawi samantalang malubhang nasugatan naman ang mag-ina makaraang pagtatagain ng amang nawala sa sarili ang kanyang mag-iinang natutulog sa sariling bahay sa Barangay Palo Alto, Calamba City, Laguna kamakalawa. Napuruhan sa dibdib ang biktimang si Mayson Molina, samantalang ginagamot naman sa Calamba Doctor Hospital ang mag-inang Genie Rose at Mary Rose Molina. Naghihimas naman ng rehas na bakal ang suspek na si Miguel Molina, 36, jobless at pormal na sasampahan ng kaukulang kaso. Ayon sapulisya, bandang alas-2 ng hapon ng mag-amok ang suspek sa kanilang bahay at sa tulong na rin ng mga kapitbahay ay nasukol si Miguel na wala pa rin sa katinuan ng isip. (Ulat ni Ed Amoroso)