2 todas sa road mishap

CAVITE – Dalawang sibilyan ang iniulat na nasawi habang dalawa naman ang malubhang nasugatan sa naganap na sakuna sa kahabaan ng E. Aguinaldo Highway na sakop ng Barangay San Agustin, Dasmariñas, Cavite kamakalawa. Isa sa namatay na biktima ay nakilalang si Ian Padilla, 22, ng Barangay Tejero, General Trias at drayber ng scooter. Ginagamot naman sa J.P. Hospital ang malubha na nasugatang sina April Blancada, nakaangkas sa scooter at Romeo Estampa, 53, ng Brgy. Bulihan, Silang, Cavite. Pormal naman sasampahan ng kaukulang kaso ang drayber ng dyip (VCD 120) na si Ramil Estampa. Napag-alaman sa ulat ng pulisya, na binangga ng dyip ang naglalakad na hindi kilalang sibilyan na nasawi saka nasalpok naman ang scooter. (Ulat ni Cristina Timbang)