Prominenteng pintor ginilitan

DAET, Camarines Norte – Pinagsasaksak at ginilitan hanggang sa mapatay ang isang prominenteng pintor ng mga hindi kilalang kalalakihan saka itinapon ang bangkay ng biktima sa irrigation canal na sakop ng Purok 4, Barangay Gahonon ng bayang ito kamakalawa ng gabi.

Ang biktima na animo’y kinatay na alagang baboy ay nakilalang si Romeo Factor, 57, ng nabanggit na barangay. Ayon sa pulisya, huling namataan ang biktima sa bayan ng Mercedes na nakikipag-inuman ng alak sa mga kaibigan hanggang sa matagpuang patay. May teorya ang pulisya na pagnanakaw ang isa sa dahilan ng krimen dahil nawawala ang malaking halaga na dala ng biktima. (Ulat ni Francis Elevado)