Trak hulog sa bangin: 8 grabe

RIZAL – Walong sibilyan ang kumpirmadong malubhang nasugatan makaraang mahulog sa bangin ang sinasakyang trak ng tubig ng mga biktima sa Barangay Mariano, Rodriguez, Rizal kamakalawa ng hapon. Kasalukuyang ginagamot sa Amang Rodriguez Medical Center sina: Donald Aquila, Adolfo del Gado, Louie Pabustan, John Peter Assit, John Dela Paz, Christopher Buntillas, Allan Buntillas at Cyrel Tacluyan, drayber ng trak ng tubig na may plakang URN-688. Bandang alas-3 ng hapon nang mawalan ng preno ang trak kaya nagtuloy-tuloy na bumulusok sa bangin. (Ulat ni Edwin Balasa)