Maninikwat ng video tape napatay

STA. BARBARA CITY, Pangasinan – Binaril at napatay ang isang18-anyos na lalaki na pinaniniwalaang maninikwat ng videotape makaraang maaktuhan ng security guard na naninikwat ng videotape sa amusement center sa Nepo Mall noong Sabado sa lungsod na ito. Ang biktimang tinamaan ng bala ng baril sa leeg at binawian ng buhay sa Region I Medical Center ay nakilalang si Ido Esquibel ng Novaliches, Quezon City.

Agad namang tumakas ng suspek na si Jemino Lobos, 36, sekyu sa naturang mall. Base sa imbestigasyon ng pulisya, nagkaroon ng nakawan sa naturang lugar at nasakote ang isa sa suspek na si Jack Aguilar, subalit mabilis namang nakatakas. Agad namang hinabol ng mga sekyu ang grupong maninikwat hanggang sa madakip si Esquibel, ngunit inagaw nito ang baril ni Lobos hanggang sa mapatay ang biktima. (Ulat ni Eva Vesperas)