Obrero na nag-amok itinumba

KAMPO SIMEON OLA, Lagazpi City – Hindi nakuha sa pakiusap ang nag-amok na obrero na pinaniniwalaang may matinding problema sa pamilya kaya napilitang pagbabarilin ng mga rumespondeng pulis sa Barangay San Jacinto, Masbate kamakalawa ng gabi.

Kinilala ng pulisya ng napatay na nag-amok na si Rudy Santoia, 51, obrero. Napag-alaman sa ulat ng pulisya, na dakong alas-9:30 ang gabi nang mag-amok si Rudy sa labas ng kanilang bahay at lahat nang makasalubong ay hinahalibas ng hawak na itak. Agad naman rumesponde ang pulisya upang payapain si Rudy, subalit sinugod ang mga awtoridad kaya naman napilitang pagbabarilin hanggang sa mapatay. (Ulat ni Ed Casulla)