Kinilala ni P/Supt. Nelson Lequin, chief of police sa bayang ito ang biktima na si Felipe Encinas, 34, may-asawa ng Vinsona, Camarines Norte.
Batay sa imbestigasyon ng pulisya, ang biktima ay sakay ng bus (DVT-224) na pag-aari ng MGP Transportation na galing sa Camarines Norte at patungo sa Metro Manila.
Habang binabagtas ng bus ang nasabing highway ay isang malakas na lagabog ang narinig ng driver sa dakong hulihan ng sasakyan at nang ihinto ang bus at buksan ang ilaw ay nakita nilang duguan ang ulo ng biktima.
Mabilis na dinala sa Gumaca District Hospital ang biktima, subalit kinalaunan ay inilipat sa East Avenue Medical Center at doon na rin ito nalagutan ng hininga.
Isang malaking tipak ng bato ang natagpuan ng mga imbestigador sa loob ng bus na pinaniniwalaang inihagis ng di nakilalang lalaki. (Ulat nina Tony Sandoval/Celine Tutor)