Rapist na naaktuhan tinodas

OAS, Albay – Isang 37-anyos na magsasaka ang pinagtataga hanggang sa mapatay ng kapwa magsasaka makaraang maaktuhang nakapatong sa misis ng huli sa Barangay Nagas, Oas, Albay kamakalawa. Animoy kinatay na hayop ang katawan ng biktimang si Dionisio Roquio, samantalang sumuko naman ang suspek na si Romer Rellores, 35, ng nabanggit na barangay. Base sa imbestigasyon ng pulisya, inabangan ng biktima na nakikipag-inuman ng alak ang suspek at isasagawa sana ang maitim na balak. Lingid sa biktima ay agad naman umuwi ng sariling bahay ang suspek at inabutang nakapatong sa babae ang biktima. Mabilis naman hinablot ng suspek ang itak sa dinding ng kanilang bahay at inupakan ng sunud-sunod na taga ang biktima na ikinasawi nito. (Ulat ni Ed Casulla)