Binata pinatay sa loob ng pet shop

Camp Pantaleon Garcia, Cavite – Hindi na umabot pa ng buhay sa pagamutan ang isang 4th year high school student matapos na pagbabarilin ng di pa nakilalang salarin sa loob ng isang pet shop sa Brgy. Burol 1, Dasmariñas, Cavite kamakalawa ng gabi.

Kinilala ang biktima na si Benjamin Bulos, 20 anyos, binata at residente ng Ilano Compound ng bayang ito na agad binawian ng buhay matapos masapul ng tama ng bala sa dibdib.

Base sa imbestigasyon ni PO3 Edgar Belza, may hawak ng kaso dakong alas 10 ng gabi ng maganap ang insidente habang nasa loob ng Maeng Pet shop sa nasabing lugar ang biktima nang lapitan ng salarin at pagbabarilin. Iniimbestigahan pa ng mga awtoridad ang kaso. (Ulat ni Cristina G. Timbang)