Kinilala ng San Miguel Police ang biktima na si Carlo Vitug, 34-anyos, may-asawa at residente ng Fortuna, Florida Blanca sa lalawigan ng Pampanga.
Sa inisyal na imbestigasyon, pasado alas-5:30 ng hapon ng maganap ang panghoholdap sa biktima habang ito ay lulan ng kanyang sasakyan na isang Super Carry van na may plakang UJZ-581 nang harangin, tutukan ng baril at holdapin ng mga armadong suspek.
Ang biktima ay sinusundan ng mga suspek na pinaniniwalaang natiktikang may dala itong malaking halaga kung saan ay wala itong nagawa ng tutukan ng mga suspek.
Kabilang sa mga natangay sa biktima ay tseke na nagkakahalaga ng P200,000, kulang-kulang P400,000 cash, 7250 Nokia cellphone at iba pa. Naglunsad na ng malawakang manhunt operations ang mga awtoridad laban sa mga suspek. (Ulat ni Efren Alcantara)