Lolo na wanted nadakip

CAMP CRAME – Matapos ang mahabang panahon ng pagtatago sa batas, nahulog na rin sa kamay ng mga awtoridad ang isang 63-anyos na lolo na umano’y itinuturing na numero unong most wanted sa lalawigan ng Samar, ayon sa ulat kahapon.

Kinilala ang suspect sa pangalang Gregorio Odal na may alyas na Goring kung saan nasakote ito dakong alas-4 ng madaling araw sa isang safehouse sa Brgy. San Pascual, Sta. Rita, ng nabanggit na probinsya.

Dinakma ang suspect sa kasong pagpatay ilang taon na ang nakalipas sa bisa ng warrant of arrest na inisyu ni Judge Jovito Abequez ng Branch 30 ng Basey Municipal Trial Court ng Samar. (Ulat ni Joy Cantos)