^

Probinsiya

ARMM, hataw sa pag-unlad

-
Ipinahayag ni Gob. Parouk S. Hussin ng Autonomous Region in Muslim Mindanao (ARMM) na sa unang pagkakataon sa kasaysayan ng ARMM, nakamit nito "ang pag-unlad na mas malayong mabuti kaysa pambansang promedyo."

Ayon kay Hussin, ang rehiyon ay matatag na at bumubuti ang ekonomiya bunga ng natamong kapayapaan at katiwasayan na pinangalagaan niya sa nakaraang dalawang taon.

Sinabi ng gobernador na natamo ang tagumpay dahil sa mahahalagang pagbabago na kanyang napasimulan kinabibilangan ng repormang pampulitikal, kapayapaan at seguridad, pagpapaunlad sa ekonomiya, pagpapaunlad sa lipunan at repormang institusyonal.

Inorganisa ni Hussin ang Regional Peace and Order Council (RPOC) upang maitaguyod ang mekanismo sa paglutas ng tradisyunal na hidwaan, at pagtatalaga ng tatlong deputy governors – isa para sa Muslim, isa para sa Kristiyano, at isa para sa Lumads – upang mapabuti ang pagkakaisa ng mga pamayanan ng mga tribu.

Binanggit din ni Hussin, tatakbong senador sa ilalim ng tiket ng administrasyon, ang memorandum of agreement sa Livelihood Enhancement and Peace Program, isang programang tinutustusan ng USAID na nagbibigay ng tulong sa mga dating rebeldeng moro at sa kanilang mga pamayanan.

Patuloy din ang suporta ng Pangulong Gloria Macapagal-Arroyo sa Mindanao partikular sa ARMM, at gayundin ang pagtitiwala at kumpiyansa ng iba’t ibang bansang nagbibigay ng donasyon sa kanyang administrasyon.

vuukle comment

AUTONOMOUS REGION

AYON

BINANGGIT

HUSSIN

INORGANISA

LIVELIHOOD ENHANCEMENT AND PEACE PROGRAM

MUSLIM MINDANAO

PANGULONG GLORIA MACAPAGAL-ARROYO

PAROUK S

REGIONAL PEACE AND ORDER COUNCIL

  • Latest
  • Trending
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with