2-katao dedo sa road mishap

PALAYAN CITY – Dalawa-katao kabilang ang election officer ang iniulat na nasawi makaraang mabundol ang sinasakyang motorsiklo ng mga biktima nang kasalubong na kotse sa kahabaan ng Nueva Ecija-Aurora Road na sakop ng Barangay Malate ng lungsod na ito kamakalawa ng hapon. Kinilala ng pulisya ang mga biktimang sina Federico Tiu Jr., election officer sa bayan ng Carranglan at si Joel Eusebio na kapwa residente ng Barangay Curva, Bongabon, Nueva Ecija. Nakumpiskahan ng dalawang baril ang drayber ng kotse (NEZ-804) na si Teodoro de Guzman ng Brgy. Cabu, Cabanatuan City kaya doble ang isasampang kaso ng pulisya. (Ulat ni Christian Ryan Sta. Ana)