Bus vs trike: Estudyante todas

STO. DOMINGO, Albay – Isang estudyante ang kumpirmadong nasawi, samantalang 20 naman ang nasugatan makaraang salpukin ng pampasaherong bus ang traysikel sa kahabaan ng Barangay San Isidro sa bayang ito kahapon ng umaga. Si Wilfredo Balderama na naipit sa traysikel ay agad na binawian ng buhay habang ginagamot naman sina Yashel Banta, Marlyn Esquilador, Jose Bortes, Allan Contes, Aries Valenzuela, Marites Bandoquillo, Mina Yansayo, Marlyn Madrilejos, Gloria Travecilla, Jonel Balbin, Sarah Mae Ajon, Zoraida Balderama, Alvin Balderama, Marlon Longasa, Mateo Rodriguez, Henry Balute, Ricky Obridos, Eusebio Baron, Carmen Estevez at Salome Nocos. Ayon sa ulat, nahulog ang bus (CVT-114) sa diversion road matapos na sumalpok sa traysikel dakong alas-7 ng umaga. (Ulat ni Ed Casulla)