Sinabi ni Supt. Florendo Quidilla,hepe ng pulisya ng lunsod na tinutugis ng kanyang mga tauhan ang suspek na si Glicerio De Pedro,nakababatang kapatid ni 2nd district Cong. Hilario De Pedro III.
Agad tumakas si De Pedro,residente ng Antipolo St.,Brgy. General P. Santos ng lunsod na ito matapos nitong mabaril at mapatay ang kanyang pamangkin na si Francis Moreno y De Pedro,29,binata.
Nagtamo ng isang tama ng bala ng baril na kalibre .45 sa dibdib ang biktima na ikinasawi.
Lumalabas sa imbestigasyon ni SPO4 Elmer Apura na dakong alas-8 ng gabi sa Purok Pag-Asa ng nasabing barangay ay nagsalubong ang mag-tiyuhin at sa hindi pa malamang dahilan ay agad binaril ng suspek.
Ayon kay Apura,patuloy ang kanilang imbestigasyon upang malaman ang tunay na motibo ng pamamaslang. (Ulat ni Ramil Bajo)