Manhunt vs killer ng Kano

Kasalukuyang inilatag na ang malawakang dragnet operation ng mga awtoridad laban sa isang security guard na itinuturing na sangkot sa pananambang at pagkakapatay sa Amerikanong project manager ng golf course sa Calamba City, Laguna noong Sabado ng hapon.

Positibong kinilala ng lumutang na testigo ang isa sa mga suspek na si Emilio Robles, security guard ng Hunter Security Agency.

Magugunitang tinambangan at napatay ang biktimang si Christopher Paul Seliga, 41, may asawa at residente ng 121-A General Luna Street. Siniloan, Laguna.

Napag-alaman pa na patungo sana ang biktima sa itinatayong golf course sa Barangay Puting Lupa, Calamba, City sakay ng Isuzu pickup na may plakang WJS-572.

Matapos na isagawa ang pananambang ay agad na tumakas ng dalawa pero lingid sa mga killer ay may nakasaksi sa krimen. (Ulat ni Joy Cantos)