Chairman at tanod dinakip sa illegal firearms

BULACAN – Bumagsak sa kamay ng pulisya ang dalawang opisyal ng barangay makaraang makumpiskahan ng dalawang malalakas na kalibre ng baril at mga bala na walang kaukulang papeles sa isinagawang raid sa kanilang bahay na sakop ng Barangay Pinambaran, San Miguel, Bulacan kahapon ng umaga. Nakapiit sa detention cell ng Criminal Invetigation and Detection Group (CIDG)-Bulacan ang mga suspek na sina Leonardo Ligaya, barangay chairman at Pedro Fajardo, brgy. tanod. Ang pagsalakay ay base sa ipinalabas na search warrant ni Judge Guillermo P. Agloro ng Malolos RTC Branch 83. Ayon sa pulisya, isinailalim sa paniniktik ang dalawa dahil sa isinampang reklamo ng mga brgy. konsehal. (Ulat ni Efren Elcantara)