Magkasintahan pinagtataga

CAMP SIMEON OLA, Legazpi City – Isang 21-anyos na lalaki ang iniulat na nasawi, samantalang malubhang nasugatan ang ka-live-in nito makaraang pagtatagain ang mga biktima ng kanilang kapitbahay sa Barangay Capilihan, Del Rosario, Naga City kahapon ng madaling-araw. Hindi na naisugod pa sa Bicol Medical Center si Danilo Asis habang inoobserbahan naman si Maria Teresa Avila, 22, dahil sa tinamong maraming sugat sa katawan. Nadakip naman ang suspek na si Felix Montalban sa kanyang bahay na naghahanda ng mga damit para tumakas. Kasalukuyang blangko pa rin ang pulisya sa motibo ng krimen habang inihahanda ang kaukulang kaso. (Ulat ni Ed Casulla)