Preso nag-suicide sa selda

NUEVA ECIJA – May posibilidad na hindi nakayanan ang sumbat ng konsiyensiya kaya nag-suicide ang isang 54-anyos na preso sa loob ng selda kamakalawa ng madaling-araw sa Gapan police station. Nasunog ang katawan dahil sa malakas na boltahe ng kuryente ang biktimang si Eduardo Maniquez ng Barangay Baluarte, Gapan City. Lumalabas sa imbestigasyon na may nakabimbing dalawang kaso ng rape si Maniquez laban sa kanyang kaanak na menor-de-edad. Napag-alaman pa na si Maniquez ay unang nagpakamatay noong Nobyembre 4, 2003 pero napigilan ng kapwa preso pero sa ikalawa ay natuluyan dahil natutulog ang mga kasama nito sa selda bago isinagawa ang pagpapakamatay sa pamamagitan ng paglubog ng katawan sa dram na puno ng tubig at kinabitan ng kuryente. (Ulat ni Christian Ryan Sta. Ana)