Ang biktima na nagtamo ng mga tama ng bala ng 9mm ay nakilalang si Abelardo Caringal, 50, may-asawa, habang tumakas naman ang suspek na si Maximo Libang ng nasabi ring lugar.
Ayon sa pagsisiyasat ni SPO1 Rafael Ausa, naganap ang pamamaslang dakong alas-7:10 ng gabi habang ang biktima ay nakikipag-usap kay Monico Maranan.
Dumating umano ang suspek at kinompronta ang biktima tungkol sa pagkakautang nito. Sa halip na sumagot ay nagkunwaring walang narinig ang biktima kaya’t nairita ang suspek at pinutukan ng ilang ulit.
Nabatid din sa ulat ng pulisya na dating magkasosyo sa pagbebenta ng kalamansi ang dalawa at naghiwalay lamang ng landas mula nang hindi barayan ng biktima ang pagkakautang nito sa suspek. (Ulat ni Tony Sandoval)