Si Guidato Mamanatal Dulang ay itinuturing na ikalawang pinakamataas na opisyal ng rebeldeng MILF sa Special Operation Group (SOG) at gumagamit ng mga alyas na Matalam Mamantal Guidatu, Commander Gimbo Dulang at Bimbo Dulang Co at residente ng Balong, Datu Piang, Maguindanao.
Base sa ulat, si Dulang ay dinakip sa bisa ng warrant of arrest na ipinalabas ni Judge Gaydefredo Ocampo sa kasong murder at frustrated murder at walang piyansang inirekomenda.
Ayon pa sa ulat na ang suspek ay nalambat sa bisinidad ng Bio Crest Feedmill compound na sakop ng General Santos City.
Kabilang din sa dinakip na kasama ni Dulang ay sina Jimmy Matalam Salamat at Edgar Ali Aton Gubat na nagturo sa kinaroroonan ng GenSan bomber. (Ulat ni Joy Cantos)