9 Abu Sayyaf sumuko

CAMP AGUINALDO – Siyam na kalalakihan na kasapi ng Misuari lost command at pinaniniwalaang mga tauhan ni Abu Sayyaf Commander Radulan ang sumuko sa Army’s 35th Infantry Battalion sa Sitio Bayog, Barangay Samak, Talipao, Sulu, ayon sa ulat ng militar kahapon.

Kinilala ang mga bandidong sumuko na sina Wahab Sadil, Benhar Duha, Addayang Mohammad, Mudjahirin Alih, Raffy Alih Mudjahirin, Jabber Abulmasil, Matal Asaali, Madoh Kasim at Ajiber Baladji.

Isinuko rin ng mga bandido ang kanilang malalakas na kalibre ng baril matapos ang masusing negosasyon ng opisyal ng lokal na pamahalaan sa pakikipagtulungan ng pulisya at militar. (Ulat ni Joy Cantos)